Whenua | Te Kooti Whenua Māori

Whatungarongaro te tangata toitū te whenua As people disappear from sight, the land remains

I mua i te taenga mai o tauiwi ki Aotearoa, ko tā te tangata whenua he tiaki i te whenua, arā ko ngā hapū me ngā whānau ngā kaitiaki. I rerekē te āhua o te tiaki me te noho a te Māori i runga i te whenua i te urunga mai o ngā ture kia riro ai he whenua i a tauiwi.

Nā aua ture, ka riro i te tangata whenua te puritanga whenua o ngā wāhanga whenua tauwhāiti, ‘ngā pānga’ rānei o taua whenua. I rerekē ngā rohenga whenua tūturu o ngā hapū me ngā whānau, ā, ehara i te mea i whakawhiwhia he whenua ki te katoa. Nā te riro o te whenua i te tangata kotahi i māmā ai mō tauiwi ki te hokohoko whenua. Engari, he tino taupatupatu tēnei ki ngā tikanga tuku iho o te noho i te whenua me te kaitiakitanga mō te tangata whenua.

I te tau 1993, i whakaurua mai Te Ture Whenua Māori, ā, ko tōna kaupapa he aukati i te riro tonu o te whenua Māori – he tata ki te 6% o ngā whenua katoa i Aotearoa.

I tēnei rā, he maha tonu ngā kaipupuri whenua Māori kei te noho tonu hei kaitiaki takitini mō ō rātau whenua, te tiaki i ō rātau whenua hei taonga tuku iho.

Ko ā mātou mahi a Te Kooti Whenua Māori he takawaenga me te hāpai kia mau tonu, te whakahaere me te whakamahi i te whenua Māori, me te tautoko i ngā whānau ki te noho, te whakawhanake me te whakamahi i ō rātou whenua.

Ngā kupu ture Legal terms

He maha ngā kupu ture ka whakamahia i roto i Te Kooti Whenua Māori hei whakamārama i te puritanga whenua o te whenua. He mea hanga ēnei kupu i roto i te horopaki ture, ā, kāore pea i te whakaata i te hiranga ahurea, te hononga rānei i waenga i te Māori me te whenua.
Te uru hei kaipupuri whenua Becoming a landowner

He nui te hunga ka uru mai ki tēnei kaupapa i te matenga o tētahi o te whānau, ā, ka tukuna ō rātou pānga whenua, ngā hea rānei o tētahi kaporeihana whenua ki te whānau. Ka whiwhi whenua ētahi tāngata ina tukuna, whakawhitia rānei ki a rātau.

Tauatanga Te whakawhiti whenua
Te kimi i ō whenua Find your land

Ka kitea e koe ngā mōhiohio mō ō whenua me ētahi atu whenua Māori mai i ngā tūmomo pūtake.
Te whakamahi i ō whenua Use your land

He maha ngā āhuatanga mō te Māori ki te hono atu me te whakamahi i te whenua, e ai ki ngā wawata ōhanga, pāpori, me te ahurea o te whānau mō te whenua. Kei konei te Kooti Whenua Māori, i te taha o ō mātou tari pātui, ki te tautoko i a koutou ko tō whānau puta noa i tō whai i tō whenua.

Te uru ki tō whenua Te wehe i ō whenua Te noho i tō whenua
Whakahaerehia ō whenua Manage your land

Ka taea e mātou koe te āwhina ki te whakatū tarahiti me ngā kaporeihana whenua hei whakahaere i ō whenua, te pupuri rānei i ō pānga whenua mō tō whānau.

Te whakatū i tētahi tarati, kaporeihana whenua rānei Ngā taratī me ngā mema rānei o te kōmiti Te arotake, te whakarerekē rānei i tō tarahiti Te arotake, te whakarerekē rānei i tō kaporeihana whenua Te whakahaere tāke
Ngā wenewene mō te whenua Māori Disputes about Māori land

He uaua pea ngā wenewene mō te whenua, ā, ka whakatōmuri pea i te hono atu me te whakamahi a te whānau i tōna whenua. Mo te whānau tūao ake ki te hātepe takawaenga ki te whakatau i te wenewene, ka tau mai ki waho i te kooti, i te kore utu mo te tono me te whakamana i ngā tikanga o tō whānau, tō iwi ki roto takawaenga.