Ki te hiahia koe ki te tuku pātai, te whakahoki kōrero rānei, me whakapā atu ki tētahi o ō mātou tari kātahi ka wawe tonu tā mātou whakahoki kōrero ki a koe:
Tā mātou Tūtohinga Kiritaki
He wāhanga Te Kooti Whenua Māori o Te Tāhū o Te Ture (Te Tāhu). Pērā i te Tāhū, ko tō mātou kaupapa ko te tuku i ngā ratonga e aro pū ana ki te tangata kia whai wāhi ai te katoa ki te tika. Ko tētahi wāhanga nui o te mahi pēnei ko te ngākaunui o ā mātou tāngata ki te tuku ratonga rawe ki te iwi i ia rā.
E whārikihia ana ki te Tūtohinga Kiritaki a te Tāhū ngā kawatau ina whakawhiti kōrero te tangata ki a mātou.
Tirohia tā mātou Tūtohinga Kiritaki
Tērā ētahi amuamu kāore e taea e mātou te whakatau
Kia mōhio kāore e taea e mātou te whakatau i ētahi amuamu.
Ko aua amuamu mō:
- ētahi atu tari kāwanatanga; te Kāwanatanga ā-Rohe (hei tauira, tō kaunihera ā-rohe), whakahaere tūmataiti rānei.
- tētahi kaiwhakawā, āpiha whakawā rānei - ki te tuku amuamu mō ngā mahi a tētahi kaiwhakawā, āpiha whakawā rānei, haere ki: Judicial Conduct Commissioner
- tētahi mema o tētahi taraipiunara - tirohia: Te amuamu mō tētahi mema taraipiunara
- tētahi rōia - whakapā atu ki Te Kāhui Ture o Aotearoa: Ratonga Amuamu Rōia
- tētahi rōia whiwhi pūtea āwhina rōia – whakamahia te puka e whai ake nei: Tukuna he amuamu mō tētahi kaiwhakarato pūtea āwhina rōia
- tētahi Rēhita Tuarua i a ia e mahi ana i āna mahi – tirohia: Arotake o te whakatau a te rēhita
- te whakatau o tētahi kēhi kōti, tukanga ā-ture rānei – kōrero ki tētahi rōia, haere rānei ki: Community Law Centre
- ngā whakatau e pā ana ki te roa o te wā hei whakarite whakawākanga, e rongo ai rānei i te whakawākanga.
Ki te tuhi mai koe mō tētahi o ngā mea i runga nei, kāore e taea e mātou te āwhina i a koe, ka taea anake te whakamōhio i a koe ki ngā mahi hei whai māu ki te whakatau i tō amuamu.
Mēnā e whakapono ana koe kua hara tētahi, me whakapā atu ki Ngā Pirihimana o Aotearoa; ka taea te whakapā atu mā te ipurangi ki Me pēhea te pūrongo i tētahi hara, tētahi tūāhua kino rānei | Ngā Pirihimana o Aotearoa.
Whakapā atu ki a mātou mēnā he āwangawanga ōu
Mēnā kāore i pai ki a koe ā mātou ratonga, me whakamōhio mai ki a mātou kia pai ai te mahi tahi ki a koe ki te whakatau i ō āwangawanga.
Mēnā i mahi tahi koe me tētahi kaimahi o Te Kooti Whenua Māori, me whakapā atu ki a ia i te tuatahi. Ka kitea āna taipitopito whakapā i runga i ngā reta, ngā īmēra rānei i tukuna e ia ki a koe. Ka ngana te kaimahi ki te whakatau wawe i te take. Ki te kore, ka tukua ō āwangawanga ki te Wāhanga Pakihi e tika ana, mā rātou e whakatau.
Me pēhea te tuku amuamu ōkawa
Mēnā i muri i te kōrero ki a mātou, kei te āwangawanga tonu koe, ka taea te tuku amuamu:
- mā te īmēra ki complaints@justice.govt.nz
- mā te tuhi ki Te Kooti Whenua Māori:
Level 7, Fujitsu Tower
Māori Land Court SX11203
141 The Terrace
Wellington
Me whakauru i ēnei mōhiohio ki tō amuamu:
- Tō ingoa tuatahi me tō ingoa whānau (tae atu ki te ingoa kamupene mēnā e tika ana).
- Tō wāhitau īmēra.
- Ngā taipitopito o tō amuamu. Me whakauru i te rā o te tūāhuatanga me ngā mōhiohio hāngai.
Ka whakapā pea mātou ki a koe ki te hiahia mōhiohio atu anō mai i a koe e koke ai tō amuamu.
Kō ngā mōhiohio ka tukuna mai me ō kōrero whakahoki, amuamu rānei ka whai whakaarohia e mātou, ka tukuna rānei ki te Wāhanga Pakihi tika hei whakarite. Mō ētahi atu mōhiohio, tirohia:
Tauākī Tūmataiti a te Tāhū o te Ture
Ka aha i muri i tō tuku amuamu
Ina tae mai tō amuamu, ka tukuna he īmēra, he reta rānei ki a koe hei whakaū kua tae mai. Ki te tuku amuamu koe mā te īmēra, ka whiwhi whakautu aunoa koe mai i te pouaka mēra e whakamōhio ana i a koe kua tae mai, ā, ka whakapā atu mātou ki a koe ki te whakaū kua tae mai tō amuamu i roto i te 2 rā mahi (Mane ki te Paraire, hāunga ngā hararei tūmatanui).
Ka tirotiro mātou i tō amuamu, ā, ka whakapā atu ki a koe ki te hiahia mātou he mōhiohio anō. Ko te tikanga ka whiwhi whakautu koe i roto i te 20 rā mahi atu i te rā i tae mai tō amuamu.
Ki te hiahia mātou he mōhiohio anō, he tuatini rānei tō take, ka hiahia pea mātou kia roa ake te wā ki te whakarite whakatau. Ki te hiahia mātou kia roa ake te wā, ka whakamōhio i a koe.
Mēnā kāore i pai ki a koe te whakataunga o tō amuamu
Mēnā kāore i pai ki a koe tā mātou whakatau e pā ana ki tō amuamu, kei a koe te mōtika ki te tuku i ō āwangawanga ki te Kaitiaki Mana Tangata.
Ngā taipitopito whakapā a te Tari o te Kaitiaki Mana Tangata:
Waea kore utu: 0800 802 602
Īmēra: info@ombudsman.parliament.nz
Wāhitau mēra:
PO Box 10152
Wellington 6143
Ka taea e te Kaitiaki Mana Tangata te tirotiro i ngā amuamu mō ngā mahi whakahaere me ngā whakatau a ngā tari kāwanatanga. Ka pātai te Kaitiaki Mana Tangata ki a koe mēnā i ngana koe ki te whakatau i te take me mātou i te tuatahi, ā, ka whiriwhiri mēnā he rongoā anō e wātea ana ki a koe.
Ka whakaarohia pea tō amuamu e te Kaitiaki Mana Tangata, ā, ka tuku tūtohu ki a mātou mō tō amuamu.