Ō mātou Paepae
Our senior leaders

I whakauru mai a Claire ki Te Tāhu o te Ture i te tau 2014 hei Kaiwhakahaere Whakaea Nama e kapi ai ngā rohe o Manawatū me Whanganui. I mua i te whakauru mai ki Te Tāhū o te Ture he maha ōna tūranga kaihautū me te whakahaere i Rapuara, e kapi ana i ngā rohe ōrite tae atu ki a Taranaki. I whakauru mai a Claire ki te Kooti Whenua Māori i te tau 2017, ā, he whānui ōna mōhio me ōna wheako i a ia ka uru nei ki tōna tūranga hei Pae Ārahi o Te Rito.

E mahi ana ia i Te Papaioea, he Tohu Paetahi Aronui tōna me tētahi Tohu pōkaitahi paerua mai i Te Kunenga ki Pūrehuroa i Te Papaioea.

I whānau mai, i pakeke mai hoki i Whanganui, i tīmata te mahi a Don i Te Tari Māori i Whanganui i tau 1983, ka uru ki te Kooti Whenua Māori i te tau 1990. He nui ōna tūranga puta noa i te kooti, ā, he whānui ōna mōhio me ōna wheako ki tōna tūranga hei Pae Ārahi o Te Raki me te Kairēhita i Whāngārei.

Te Arawa, Ngāti Maniapoto, Te Rarawa

He hononga tangata
He taura here tangata
He toto whakaora whānau
E here nei i ahau
Ki aku tātai whakapapa
E here nei i ahau

Sean brings a wealth of experience and knowledge in te ao Māori, leadership, and internal operations experience to the Māori Land Court. Sean began working in the Māori Land Court in 2017 and has held frontline, technical and people leadership roles.

Based in Te Waipounamu, Sean’s ūkaipō is Rotorua, where he was raised and where home is. Sean’s commitment to his whānau, hapū and iwi, at home remain strong and connected.

I whakauru mai a Dan ki te Kooti Whenua Māori i te Pepuere o te tau 2022, hei Pae Ārahi o Te Tiratū.

He kaihautū matatau ia me ngā mōhio whakahaere whānui i roto i te whakarato ratonga, i ārahi a Dan i ngā rōpū i roto i ngā Kooti ā-rohe o Te Whanganui-a-Tara me Te Awakairangi, ā, i roto ia i te tūranga Kaiwhakahaere Ratonga Ture mō te Manawatū/Te Wairarapa me te Raki o Te Whanganui-a-Tara.

I mua i te whakauru ki Te Tāhū o te Ture i te tau 2015, i mahi a Dan i roto i te rāngai pēke i Kānata me Te Hononga o Ingarangi, ā, he maha anō ētahi atu o ōna tūranga puta noa i ngā whakahaere rerekē i Aotearoa me tāwāhi.

Ngāti Whakaue, Ngāti Pikiao, Ngāti Rangiwewehi

I tīmata a Steve ki te mahi i Te Tari Māori i te Hūrae o te tau 1984 e mahi ana hei Kaitiaki Māori, kātahi ka neke ki te wāhanga Whanaketanga Whenua i mua i te uru hei Āpiha Tuku i te tau 1989.

He maha ngā tūranga o Steve i roto i te Kooti, arā pērā i te kaiwhakahaere kēhi, kaiārahi rōpū, kaiwhakahaere ā-rohe, Āpiha Takawaenga Matua me te Kaiwhakahaere Ratonga, i mua i te tohutanga hei Kairēhita Matua o te Kooti Whenua Māori i te Pepuere o te tau 2021.

Nā ngā huringa ki te tūranga o te Kairēhita Matua, kei a Steve te mana ināianei mō te whakatinana i ngā mana ā-ture e ai ki te Ture hāngai, he tuku tohutohu hangarau ki ngā hātepe Kooti me te tautoko i ngā kaimahi me ngā kaiwhakahaere o te Kooti Whenua Māori kia taea e rātau te tuku ratonga kiritaki rawe.

“Ko au te taupā kiihai puawai ōku moemoea”

Ko te tūranga o te Puna Hāpai kia hāpai te tāngata i Te Kooti Whenua Māori kia waipuketia tōna ake puna hei oranga mo te whānau i te whenua.

I ngā rā o mua, he mōkai tēnei mo taku iwi o Whanganui kei te reo irirangi, kei te manatū hauora, kei te puna matauranga, kei te Poari Matua o te Awa o Whanganui hoki.

Nō tērā tau tekau he kai mahi ahau i Te Kooti Whenua Māori o Aotea (Whanganui), ināianei ka noho au ki Te Paepae o Te Kooti.