Taonga tuku iho | Te Kooti Whenua Māori

Kei roto i te pūkete kooti ko ngā mōhiohio onāianei me mua rā anō o te mana rangatira o te whenua Māori, tae atu ki ngā mōhiohio poraka me te tarahiti, ngā meneti me ngā whakatau.

Kapohia ki te tuhirau, ki te reehuiringa Preservation of the integrity of the record, the record will prevail

Hei pūkete kooti, ko tā mātou kaupapa hira he tuhituhi tika i te tauatanga me te whakahaerenga o te whenua Māori. Ko aua mōhiohio te pūkete Kooti Whenua Māori, ā, koinei ngā tuhinga ture, ōkawa hoki o te mana whenua rangatira o te whenua Māori. Nō mātou te kawenga mō te manaaki haere tonu me te tiaki i tēnei taonga tuku iho.

Mai i te whakatūnga o te Kooti Whakawā Whenua Māori 1865, kua kohia e mātou me te whakahaere i ngā tuhinga neke atu i te 23 miriona, e hono katoa ana ēnei ki te whenua me te whānau Māori.

Kei roto i ā mātou pūkete ko ngā mōhiohio mō ngā whakatau kooti, me ngā kōrero i pēhea te whakatau i ērā. Kei roto hoki ko ngā mōhiohio mō ngā whakapapa o ngā rangatira whenua. Kei roto ko:

Ngā kōnae kooti (te kōnae tono ā-puka, tāhiko hoki e pupuri ana i ngā tuhinga me ngā tuhituhi katoa mō tētahi take i te Kooti)
Ngā pukapuka meneti (te kape puka o ngā kōrerorero me ngā whakatau katoa i tukuna e te Kooti)
Ngā whakatau kooti (ngā whakatau i tukuna e tētahi Kairēhita, te Kooti rānei)
Ngā tikanga tukutanga (te tikanga ture hei whakarerekē i tētahi poraka whenua)
Ngā kōnae whakatau poraka (te pūkete puka o ngā whakaritenga me ngā whakatau katoa mō tētahi poraka whenua i tāpaetia, ā, e puritia ana e te Kooti)
Ngā tauākī kaute (te pūkete puka o ngā whakaritenga pūtea mō tētahi taratahi, kaporeihana whenua rānei i hangaia e te Kooti, ā, i kōnaetia, i puritia hoki e te Kooti)
Ngā mapi me ngā mahere, ngā kape rānei (te pūkete puka o ngā mapi, ngā mahere hoki/rānei i kōnaetia, i puritia hoki e te Kooti)
Ētahi atu tuhinga, mahere, rauemi, pūkete rānei e hira ana ki te Kaiwhakawā, te Kairēhita rānei hei:
- pupuri i te pono o te pūkete hītori o te taitara a te Kooti me te mana rangatira
- whakamana i te Kooti ki te mahi hei Kooti pūkete, tērā rānei
- ū ki te Te Ture Whenua Māori 1993
tētahi pūkete Kooti e puritia tāhikotia.

Ka taea he wāhanga nui o tā mātou pūkete mā tā mātou tomokanga tuihono, te Pātaka Whenua. Engari, kei reira ētahi pūkete ka wātea anake ki te tirotiro i ngā kape puka i ā mātou tari, ā, he kopī rawa ētahi ki te tirotiro.

Rapua a Pātaka Whenua Search the court record online

Ko Pātaka Whenua te tomokanga tuihono e pupuri ana i te pūkete kooti tāhiko, ā, kei roto ko ngā meneti me ngā whakatau. Ka taea e koe te rapu te pūkete kooti i Pātaka Whenua ahakoa i hea, ahakoa te wā.
Te uru ki te pūkete puka Access the physical record

Mēnā kāore e kitea e koe ngā mōhiohio katoa e hiahia ana koe i Pātaka Whenua, me haere ā-tinana atu ki tētahi o ā mātou tari ā-rohe ki te tiro i te pūkete puka.
Ngā raraunga whenua Māori Māori land data

E whakaratoa ana e te Kooti Whenua Māori ngā mōhiohio me ngā raraunga mō ngā whenua Māori. Kei roto i tēnei ko tā matau Māori Land Update, ngā mōhiohio Whenua Māori āmiki, ngā raraunga mokowā whenua Māori.
Whakataunga Judgments

Ka whakaputaina ngā whakataunga a te Kooti Whenua Māori ki Pātaka Whenua, tā mātou tomokanga tuihono, me te pūrapu whakatau a Te Tāhū o te Ture.