Mēnā kāore koe i te whakaae ki te putanga
If you disagree with the outcome

• Tono kia whakawāngia anō (utu tāpae $60) Request for a rehearing (filing fee $60)

  Ka āhei koe ki te tono kia whakawāngia anō tō tono mēnā e whakapono ana koe kāore i tukuna ētahi taunakitanga hāngai ki te Kooti i te tukutanga o te whakatau, mēnā rānei i pā koe ki te whakatau, ā, kāore koe i whai wāhi atu kia rongohia koe e te Kooti i mua i te tukutanga o taua whakatau.

  Me mātua tuku tētahi tono whakawā anō i mua o te eketanga o te 28 rā i muri o te whakataunga, engari rawa he tino take anō kāore i taea te tuku te tono i roto i tēnei wā. I tēnei āhuatanga, me whakaae e te Kaiwhakawā te tono kia whakawāngia anō.

  Ka whakawāngia anōtia te tono i roto i te kooti, ā, ka whiriwhiria ngā taunakitanga hou, ngā mōhiohio me ngā āhuatanga hou. I muri i te kōtitanga, ka taea e te kaiwhakawā te whakaū, te huri, te whakakore rānei i tētahi whakatau o mua.

  Kāore pea tēnei e whakawāngia e taua kaiwhakawā anō nāna te whakatau tuatahi.

  Tē taea te whakawā anō te whakatau a te Kooti Pīra Maori.

  Te tono i tētahi kōtitanga anō i Pātaka Whenua

  Tikiake i te puka tono

• Te pīra i tētahi whakatau (utu tāpae $350) Appeal a decision (filing fee $350)

  Mēnā ki ōu whakaaro i hē te whakatau tikanga a te Kooti Whenua Māori mō tētahi tono, ka āhei koe ki te tono ki te Kaiwhakawā Matua kia pīrahia te whakatau.

  Ka taea e koe tēnei mēnā e whakapono ana koe:

  • I whirinaki ia ki ngā mōhiohio hē mō tana whakatau
  • Kāore i a ia ngā mōhiohio waiwai katoa ki te tuku i te whakatau tika
  • Kei te hē ngā kōrero i te tukutanga o te whakatau

  I tō tono me whakauru e koe:

  • ngā putanga e rapua ana e koe nā te pīra
  • ngā mōhiohio whakapā mō te tangata ka whai pānga pea, tae atu ki ērā tāngata ka whai pānga mēnā ka tutuki tō pīra (ngā kaiurupare)
  • kāore koe e āhei ki te whakauru taunakitanga hou ki te tono pīra.

  Noho ai te Kooti Pīra Māori i ia hauwhā o te tau i te Pēpuere, Mei, Ākuhata me te Noema o ia tau.

  Me tono kia pīrahia tō whakatau i Pātaka Whenua

  Tikiake i te puka tono

• Me tono mō tētahi arotake ā-ture mai i Te Kooti Teitei Apply for a judicial review from the High Court

  Mēnā kāore koe i te whakaae ki tētahi whakatau a Te Kooti Whenua Māori, te Kooti Whenua Māori rānei, ka āhei koe ki te rapu arotake ā-ture mai i te Kooti Teitei o Aotearoa. I tētahi kōtitanga arotake ā-ture, ka arotake te kaiwhakawā i ngā mahi, ngā whakatau rānei a te kaiwhakawā tuatahi kia kite ai mēnā i taka mai tana whakatau ki raro i ōna mana ā-ture.

  Ko te tangata whai pānga anake ka āhei ki te tono mō tētahi arotake ā-ture. Mēnā kei te whakaaroarohia e koe tēnei kōwhiringa, e tūtohu ana mātou kia wawe tonu tō rapu tohutohu. Me pātai anō koe ki tō rōia he aha ngā utu kei roto, i te mea he nui tonu pea.

  Me mātua tuku tētahi tono arotake ā-ture ki te Kooti Teitei o Aotearoa, kaua te Kooti Whenua Māori.

  Mō ētahi atu mōhiohio mō te hātepe arotake ā-ture, me whakapā atu ki tō Kooti Teitei tūtata.

Ko tēhea te tono pīra me tuku e au?

• I whiwhi ahau i tētahi whakatau, whakataunga whakamutunga rānei… I received a final decision or determination…

  Mēnā e hiahia ana koe ki te pīra i tētahi whakatau, whakataunga whakamutunga rānei a te Kooti Pīra Māori, ka taea e koe te tono ki te Kooti Pīra Māori i raro i te wāhanga 58 o Te Ture Whenua Māori.

  Me mātua tuku te tono pīra i tētahi whakatau i roto i te rua marama o te whakatau whakamutunga a te Kooti Whenua Māori.

  I tō tono me whakauru e koe:

  • ngā taunakitanga āmiki hei tautoko i tō pīra
  • ngā putanga e rapua ana e koe i te pīra
  • ngā mōhiohio whakapā mō te tangata ka whai pānga pea, tae atu ki ērā tāngata ka whai pānga mēnā ka tutuki tō pīra (ngā kaiurupare)

  He $350 te utu tāpae mō tēnei tono.

  Tono tuihono

  Tikiake i te puka tono

• I whiwhi ahau i tētahi whakatau, whakataunga wā poto, tuatahi rānei… I received an interim or preliminary decision or determination…

  Mēnā e hiahia ana koe ki te pīra i tētahi whakatau, whakataunga wā poto, tuatahi rānei a te Kooti Pīra Māori, ā, he take tārewa ōna mō te kooti hei whakarite, ka taea e koe te tono ki te Kooti Pīra Māori i raro i te wāhanga 59 o Te Ture Whenua Māori.

  Me mātua tuku tēnei tono i roto i te kotahi marama o te rā o te whakatau wā poto, tuatahi rānei.

  I tō tono me whakauru e koe:

  • ngā taunakitanga āmiki hei tautoko i tō pīra
  • ngā putanga e rapua ana e koe i te pīra
  • ngā mōhiohio whakapā mō te tangata ka whai pānga pea, tae atu ki ērā tāngata ka whai pānga mēnā ka tutuki tō pīra (ngā kaiurupare)

  He $350 te utu tāpae mō tēnei tono.

  Tono tuihono

  Tikiake i te puka tono