I te 14 Hakihea 2022, i puta te whakataunga tuatahi reo rua o te Kooti Whenua Māori.
He whakataunga e hāngai ana ki ngā tono kua whakatakotohia e Donna Pokere Phillips rāua ko James Phillips (kua mate) mo te whenua ki Ōuri (1A3), inarā, mo te Whare ki runga whenua. Ko ngā kaiurupare ko ngā kaitaratī o te Taratī Ahu Whenua o Hanataua.
I tū te kōtinga o ngā take ki Whanganui i te 1 me 2 o Mahuru 2022. Na te Kaiwhakawā a A H C Warren, raua ko Tākuta Ruakere Hond, te take i rongo ki roto i ngā reo e rua. Ma te Kaiwhakamāori te Kooti i hāpai.
Ko te whakatū i a Tākuta Ruakere Hond hei Pūkenga e hāpai i te Kooti, ki tā s 32A o Te Ture Whenua Māori Act 1993, kia eke te manaakitanga i te take, kāti ake rā, e whakawhetai ana ki tana arataki.
I whakaaetia te tono a ngā Kaitono e te Kooti kia tū ngā mahi katoa ki roto i te reo Māori.
Ma ngā Kaimahi o te Kooti ngā mātanga reo Māori e whiriwhiri i ngā hiahia o ngā kaitono me ngā kaiurupare.
Ko tētehi āhuatanga motuhake i ngā whakahaerenga, ko ngā takohanga tikanga i ngā kaitaratī. He tūāpapa tēnei kia noho mai te tikanga ki tōna ake horopaki, kaua i te nohonga atu ki raro rawa i te maru o te aronga ture Pākehā.
Ka ngana te Kooti ki tōna ake tūāpapa i runga i te tika me te pono kia oti pai ai ngā whakahaerenga i te tono ka tū he wānanga.
Ehara te tono he ōta o te Kooti, engari, ko te wawata o te Kooti ki ngā rōpū katoa kia anga whakamua kia mou tonu te here tāngata ki waenga i ngā rōpū.
He tino tohu tēnei whakataunga mo te Kooti Whenua Māori me ngā kaipupuri Māori. I te hītori o te Kooti ko te whakataunga tuatahi reo rua he tohu ki te whakarauora te reo Māori i te Kooti.
Ko te wā tēnei ka whakamanahia i te huritau rima tekau o te petihana reo Māori e te motu, i te huritau whā tekau o te kōhanga reo, i te huritau o te reo Māori he reo matua ki Aotearoa nei.
Ma te tirohanga me te manawanui mai o ngā kaipupuri whenua ēnei whakahaerenga e ārahi me te moemoeā o rātou ki te mananui ki te tūranga hoki o te reo Māori he reo ora i ngā mahi katoa o te tangata, o te Kooti Whenua Māori rānei.