Ko te Pā Whenua te wheako e hiahia nei e mātou, i ngā rangatira whenua i tō taenga mai ki te kooti. I ahu mai tēnei whakaaro i te wheako o te manuhiri i tana taenga atu ki te marae.
Ka hauiti i te Kooti, ka hauroa i te whenua
-
Nau mai Access our services
E rite ana te nau mai ki te whakatikatika mō te whakaeke ki te marae. Ka taea e koe te rapu mōhiohio mō te whenua me te whakapā mai mō ngā āwhina.
-
Haere mai Apply to the court
Ko Haere mai te reo pōwhiri i te marae. I tēnei wāhanga i te pā whenua, ko te tikanga kua emi i a koe ngā mōhiohio katoa e hiahia ana koe, ā, kua reri ki te tuku i tētahi tono ki te Kooti.
-
Kuhu mai Attend court or mediation
I tēnei wā i te pā whenua, koinei te wā mōu ki te haere ake ki te Kooti, te hui takawaenga rānei. Kei konei ā mātou kaimahi ki te ārahi i a koe me tō whānau mā tēnei āhuatanga.
-
Tū mai Receive the outcome
I muri i te whakatau a te kaiwhakawā, te kairēhita, i tau pai rānei te hui takawaenga ka whiwhi koe i ngā meneti kooti me ngā whakatau ka tuhia ki te pūkete kooti.
-
Tū atu Take action
I te mea kua oti tō tono, tō uiui rānei, kua reri koe ki te whaiwhai i ō mahi whai ake. Arā, ko te whakapā atu ki ētahi atu tari me te hōrapa i ngā whai wāhitanga pūtea hei āwhina i a koutou ko tō whānau ki te whakatutuki i ō koutou wawata mō tō whenua.
Hei āwhina
Need help?
Nau mai, haere mai. Ka taea e koe te whakapā mai mā tā mātou tomokanga tuihono hou, a Pātaka Whenua, mā te waea rānei, te īmēra, me te mēra.