I pāhitia te South Island Landless Natives Act (SILNA) i te tau 1906, ā, i whakamanatia te whakawhititanga o ngā whenua ki te Māori. E whā ngā poraka SILNA, kāore anō kia whakawhitia a Hāwea-Wānaka, Whakapoai, Port Adventure me Toitoi.
Ki tēnei whārangi
Hītori
Whai muri i te waitohutanga o te Tiriti o Waitangi i te tau 1840, i whakariterite te Karauna ki te hoko mai i ngā whenua nunui 10 mai i a Ngāi Tahu, ā, he 345,000 eka te nui o te whenua, me kī ko te katoa o ngā whenua o te iwi, i hokona atu mō te £14,750. I kī taurangi ngā āpiha hoko whenua a te Karauna ka nui tonu ‘ngā whenua rāhui’ ka toe mai ki a Ngāi Tahu hei noho.
Engari kāore i pērā, ā, kāore i mahue mai he whenua ki ngā Māori o Te Waipounamu, ā, he iti noa iho ā rātou rawa hei tiaki i a rātou me ō rātou whānau.
Mai i te 1879 me te 1887, he maha ngā tūhuratanga i whakahaerehia hei tūhura i ngā nawe i ara ake i taua kī taurangi i takahia.
I pāhitia te Landless Natives Act (SILNA) 1906, ā, ka whakamanatia te whakawhititanga o ngā whenua ki ngā Māori o Te Waipounamu kia noho pakari ai tō rātou ao ōhanga.
I taua wā, i kī a Ngāi Tahu ka rawaka te 200,000 eka whenua hei kapeneheihana mō te whenua i riro, ā, kāore i tutuki te kī taurangi.
He 57,000 heketea te whenua i wehea mai.
Ko ngā whenua i tukua he whenua ururua me te ngahere i ngā wāhi tuawhenua, ā, ehara ēnei i te whenua tuku iho o ngā iwi o Te Waipounamu. Nā te āhua me te nui o ngā poraka kāore i taea te whakamahi kia puta ai he oranga, he moni whiwhi rānei.
Ko te nuinga o ngā whenua i wehea mai i whakawhitia ki ngā kaipānga ko te uru me te rāwhiti o Murihiku, Rakiura, Te Tai Poutini me Te Tau Ihu. E whā ngā poraka kāore anō kia whakawhitia ko Hāwea-Wānaka, Whakapoai, Port Adventure me Toitoi.
I whakaritea anō ēnei whenua i roto i te Ture Whakatau Kerēme a Ngāi Tahu 1998. Ko ngā whakaaetanga i tukuna i roto i te Whakataunga Take Raupatu a Ngāi Tahu i whakaturehia kia taea te whakawhiti ēnei whenua ki ōna ariki whenua.
Te rārangi ingoa o ngā rangatira whenua
Kei te mahi Te Kooti Whenua Māori i tēnei wā ki te whakahou i ngā rārangi o ngā ariki whenua mō ngā Poraka SILNA e whā e toe ana. Ko ngā ariki whenua o ēnei poraka he uri nō ngā kaipānga taketake i āhei ki te whiwhi whenua i raro i tēnei Ture, kāore i whiwhi i ō rātou whenua i te wā i te mana te Ture. Ka tautuhia ngā kaitaua ānō nei he whenua Māori herekore te whenua, me te aha i mate te tangata me te kore wira.
Ko te kaupapa o te whakahou i te rārangi o ngā ariki whenua he whakarite ka taea te haere atu a ngā kaitaua ki ngā hui me te pōti i ngā hui hei ariki whenua mō te whakatau me pēhea te whiwhi i te whenua.
Ina rata te Kooti kua tautuhia ngā kaitaua ki ngā kaipānga taketake o ngā whenua SILNA ki tērā e tino taea ana, ka karangahia he hui mā ngā kaitaua mō taua poraka. Ka whiriwhiria e ngā kaitaua i tēnei hui ngā kōwhiringa puretumu kē, mēnā e tika ana. Ka taea anō e rātou te whakatau mēnā ka hiahia rātou ki te whiwhi i te whenua hei whenua Māori, Tukipū rānei, ā, ka pēhea te pupuri i taua whenua. He maha ngā kōwhiringa mō te whenua he maha ōna ariki whenua, tae atu ki ngā tarahiti, ngā kaporeihana whenua Māori me ētahi atu tauira pakihi.
Te rārangi mahi o ngā kaiwhiwhi taketake mō te Poraka SILNA o Hāwea-Wānaka
Te rārangi mahi o ngā ariki whenua pea mō te Poraka SILNA o Hāwea-Wānaka
Te rārangi mahi o ngā kaiwhiwhi taketake mō te Poraka SILNA o Toitoi
Te rārangi mahi o ngā ariki whenua pea mō te Poraka SILNA o Toitoi
Me tuku mai ō taipitopito
Provide your details - Hāwea/Wānaka
Mēnā kei runga tō whānau i te rārangi o ngā kaitaua mō te poraka whakakapi o Hāwea/Wānaka, me tuku mai ō taipitopito whakapā.
Me tuku mai ō taipitopito
Provide your details - Toitoi
Mēnā kei runga tō whānau i te rārangi o ngā kaitaua mō te poraka o Toitoi, me tuku mai ō taipitopito whakapā.
Ngā poraka SILNA
Te tono tauatanga ki tētahi poraka SILNA kāore i whakawhitia
Mēnā kua mate he tangata kei runga i te rārangi, me tono koe ki te Kooti ki te whakahou i te rārangi. He rerekē ngā puka tono tauatanga SILNA ki ētahi atu puka tono tauatanga. I tō tono me whakauru e koe:
- He tārua o te tiwhikete mate
- Ngā kōrero whakapapa o te tangata i mate, otirā:
- ko wai ōna mātua
- ko wai ōna tuākana, tēina, tuāhine, tungāne
- ko wai ana tamariki
- ko wai t/ana hoa
Ka whakamahia ēnei mōhiohio hei rangahau me te whakaū i te mana rangatira o ngā pānga SILNA ki a koe.
Tikiake i te puka tono mā Hāwea-Wanaka
Tikiake i te puka tono mā Toitoi
Ka whakahaerehia ngā whakawātanga SILNA katoa i Te Kooti Whenua Māori o Te Waipounamu, Ōtautahi. Ka taea e koe te haere ā-tinana atu, ā-mamao rānei.
South Island Landless Natives Act 1906 (SILNA): past, present and future
Pānui mai ki te tuhinga a te Kai Whakawā Hera Reeves e pā ana ki a SILNA.