Ko Te Kooti Whenua Māori te kooti motuhake tawhito rawa, tino mauroa o Aotearoa. He whakanōhanga ahurei mātou – ko te kooti whenua iwi taketake anake i te ao.
Ma tātou whenua e ora, ma te whenua tātou e ora
Kei roto te whenua i te tuakiri o te tangata whenua. Koinei te tūrangawaewae.
Ko tā mātou kaupapa he whakatairanga kia mau tonu i te Māori ngā whenua Māori, me te tautoko i ngā rangatira o ngā whenua ki te whakamahi, te noho me te whakawhanake i ō rātou whenua mō te painga o ngā rangatira whenua katoa, me ō rātou whānau, hapū hoki.
Hei kooti pupuri pūranga, kei a mātou te kawenga mō te whai tuhinga tika o te tuku iho me te whakahaerenga o te whenua Māori.
Ko te ture e āhei ai mātou ki te whakahaere i ēnei mahi ko Te Ture Whenua Māori 1993, e whakamana ana i te hiranga o te whenua Māori hei taonga tuku iho.
-
Tō mātou hītori Our history
Inā koinei te kooti i tawhito rawa i Aotearoa, he matatini te hītori o te Kooti Whenua Māori, ā, i whai pānga i ngā nekehanga maha o te ture, kaupapahere hoki.
-
Ā mātou ture Our rules and legislation
E mahi ana te Kooti Whenua Māori me te Kooti Pīra Māori i raro i te mana o te Ture Whenua Māori 1993. Ka whiriwhiria anōtia e ngā kooti e rua ētahi atu kaupapa kia mau ai i ngā whenua Māori te āhuatanga o te taonga tuku iho me te whakaata i te hono o te Māori ki te whenua.
-
Ngā Kaiwhakawā Our judges
He Kaiwhakawā Matua, he Kaiwhakawā Matua Tuarua ā mātou, me ngā kaiwhakawā 12 puta noa i Aotearoa.
-
Ō mātou Paepae Our senior leaders
Kei a Te Paepae, ā mātou kaihautū, te mana mō ngā whakahaere o ia rā o ā mātou tari me ngā kooti, me ngā mahi tari tautoko i ā mātou kaiwhakawā.
-
He ratonga kē atu Other services/agencies
Ka mahi tahi mātou me ētahi atu momo wāhanga, tari hoki ki te tautoko i ngā rangatira whenua Māori ki te tūhono atu me te whakatutuki i ō rātou wawata mō ō rātou whenua.
Hei āwhina
Need help?
Nau mai, haere mai. Ka taea e koe te whakapā mai mā tā mātou tomokanga tuihono hou, a Pātaka Whenua, mā te waea rānei, te īmēra, me te mēra.