He uaua pea ngā wenewene mō te whenua, ā, ka whakatōmuri pea i te hono atu me te whakamahi a te whānau i tōna whenua. Mo te whānau tūao ake ki te hātepe takawaenga ki te whakatau i te wenewene, ka tau mai ki waho i te kooti, i te kore utu mo te tono me te whakamana i ngā tikanga o tō whānau, tō iwi ki roto takawaenga.
Ki tēnei whārangi
Ko te whakapapa te ara ki o mātua tupuna It is your connections to each other that keep you connected to your ancestors
Ratonga whakatau wenewene
He ratonga koreutu, tūao, tikanga Māori tā mātou ratonga whakatau wenewene e taea ai e ngā tāngata te whakatau matatapu i ngā wenewene e pā ana ki te whenua Māori, i waho o te kooti. Ka taea e ngā tāngata te kōrero ki a rātou anō me te whiriwhiri i ngā otinga tōtika e whakaae katoa ana rātou. Ka āwhina anō pea ki te whakakotahi anō i ngā hononga kua noho raru me te whakaea i ētahi o ngā mamae e pā ana ki ngā raruraru ā-whānau. Kei reira tētahi kaitakawaenga hei tautoko i a koe me te tuku i tētahi tirohanga tōkeke kia taea ai e koe te whakatau pea me pēhea te anga whakamua me te kore haere ki te ture. He tūao tēnei ratonga, nō reira me mātua whakaae ngā tāngata katoa kei roto i te wenewene ki te whakauru atu.
I tēnei wā, ko ngā kaiwhakawā o te Kooti Whenua Māori ngā kaitakawaenga. Ahakoa kei te noho ngā kaiwhakawā hei kaitakawaenga, kua kore e taea e rātou te whakawā taua take i te kooti. Ā tōna wā, ka whakarato mātou i ngā kaitakawaenga ehara nō te ture kei a rātou ngā pūkenga tika hei whakatau i ngā wenewene mō te whenua Māori.
I tēnei horopaki, ko ngā tikanga ka arahina e ō uara, whakapono, tikanga hoki hei whānau, hapū rānei. Mā te tikanga pea e tohu ko wai kei roto, ki hea whakatau ai i te raruraru, ā, me pēhea te whakahaere i te takawaenga. Arā, kei roto pea ko te pōhiri, whakatau, mihimihi, karakia, waiata, koha me te kai.
Tono mō te whakatau wenewene
Ka taea e koe te tono mō te whakatau wenewene mēnā e whakaae ana ngā tāngata katoa ki te whakamahi i tēnei ratonga.
Mēnā he tono onāianei tau i roto i te Kooti Whenua Māori kua tōmuri nā tētahi wenewene, ka āhei koe kia whakatārewahia tō tono i a koe ka whakamātau ki te whakatau i te wenewene i waho o te kooti. Ka tonoa anō pea koe e te kaiwhakawā ki tētahi raru take ka ara ake i ngā whakahaerenga kooti ki te whakatau wenewene.
Kāore he utu mō te ratonga whakatau wenewene. Engari, māu anō e utu tō haere atu ki te hui takawaenga me ngā tohutohu ture motuhake ka rapua e koe.
Ngā raumei
Resources
Tikiake i ngā putanga tā o ā mātou rauemi whakatau wenewene.
