E rewa ana ngā ngākau o te Kaiwhakawā Matua, Caren Fox, me te Pae Matua Steve Gunson ki te whakaputa i te ripoata ā-tau tuatahi o Te Kōti Whenua Māori me Te Kooti Pīra Māori, mai i te rewanga o Matariki 2022 ki te rewanga o Matariki 2023.
E rewa ana ngā ngākau o te Kaiwhakawā Matua, Caren Fox, me te Pae Matua Steve Gunson ki te whakaputa i te ripoata ā-tau tuatahi o Te Kōti Whenua Māori me Te Kooti Pīra Māori, mai i te rewanga o Matariki 2022 ki te rewanga o Matariki 2023.
Hei tā Kaiwhakawā Matua Fox: “Mā tēnei ripoata ngā kaipupuri whenua Māori me te motu whānui e mōhio ki te nui o ngā mahi a te Kooti. E whai ana tēnei ripoata hou kia tiro whakamuri ki te tau kua huri, me te anga whakamua ki te tau e heke mai ana, kia mārama hoki te marea ki ā mātou mahi me ngā whakataunga a te Kooti.
He nui ngā panonitanga i te Kooti i te wā e kōrerotia ana i tēnei ripoata, pēnei i te whakarewanga o te pūnaha Pātaka Whenua, hei āwhina i ngā kaimahi o te Kooti, ngā kaiwhakawā me ngā kaipupuri whenua. Hei tā tēnei ripoata, kua roa tēnei huarahi, ā, he nui ngā taupā i pā ki ngā kaipupuri whenua me te hunga e whakamahi ana i te Kooti. E ū ana mātou ki te whakatika i ēnei raruraru, ā, ka kitea ngā hua i ngā ripoata ā-tau o te Kooti e haere mai ana.
I tēnei wā tonu, e pukumahi tonu ana ngā kaimahi o te Kooti ki te tautoko me te āwhina i te iwi Māori, ā, e whai tonu ana ngā kaiwhakawā o te Kooti ki te tuku i ngā whakataunga e tika ana, i te wā e tika ana. E rite ana ahau ki te tuku i ngā whakamahuki i ngā ripoata ā-tau e haere mai ana.”
Te Kooti Whenua Māori Pūrongo a tau Matariki 2022 - Matariki 2023
Māori Land Court Annual Report Matariki 2022 - Matariki 2023